Akhand Kirtani Jatha
ਅਖੰਡ ਕੀਰਤਨੀ ਜੱਥਾ, ਮੋਗਾ
ਗੁਰਬਾਣੀ ਕੀਰਤਨ, ਨਾਮ-ਅਭਿਆਸ ਅਤੇ ਖਾਲਸਾਈ ਜੀਵਨ-ਜੁਗਤਿ ਨੂੰ ਸਾਂਭਣ ਲਈ ਸਮਰਪਿਤ।
ਅਖੰਡ ਕੀਰਤਨੀ ਜੱਥੇ ਦੀ ਨੀਂਹ ਵੀਹਵੀਂ ਸਦੀ ਦੇ ਮਹਾਨ ਗੁਰਸਿੱਖ, ਪੰਥ ਰਤਨ ਅਤੇ ਅਦੁੱਤੀ ਗੁਰਮਤਿ ਨਾਮ ਅਭਿਆਸੀ ਭਾਈ ਸਾਹਿਬ ਭਾਈ ਰਣਧੀਰ ਸਿੰਘ ਜੀ ਦੇ ਪਵਿੱਤਰ ਜੀਵਨ ਅਤੇ ਮਿਸ਼ਨ ਵਿੱਚੋਂ ਪ੍ਰਗਟ ਹੋਈ ਹੈ। ਆਪ ਜੀ ਇਕ ਐਸੀ ਰੂਹਾਨੀ ਸ਼ਖ਼ਸੀਅਤ ਸਨ ਜਿਨ੍ਹਾਂ ਨੇ ਗੁਰਸਿੱਖੀ ਜੀਵਨ-ਜੁਗਤਿ ਅਤੇ ਨਾਮ-ਬਾਣੀ ਦੀ ਮਰਯਾਦਾ ਨੂੰ ਮੁੜ ਸੁਰਜੀਤ ਕੀਤਾ।
ਅਖੰਡ ਕੀਰਤਨੀ ਜੱਥੇ ਦੀ ਅਸਲ ਪਛਾਣ ਗੁਰਬਾਣੀ ਦੇ ਨਿਰੋਲ ਕੀਰਤਨ ਅਤੇ ਨਾਮ-ਅਭਿਆਸ ਦੀ ਕਮਾਈ ਹੈ। ਇਸ ਜੱਥੇ ਦੀ ਵਿਲੱਖਣਤਾ ‘ਰੈਣ ਸਬਾਈ ਕੀਰਤਨ’ ਹੈ, ਜਿੱਥੇ ਸਾਰੀ ਰਾਤ ਸੰਗਤੀ ਰੂਪ ਵਿੱਚ ਗੁਰਬਾਣੀ ਦਾ ਕੀਰਤਨ ਹੁੰਦਾ ਹੈ ਅਤੇ ਸੰਗਤ ਇਲਾਹੀ ਰਸ ਵਿੱਚ ਸਰਸ਼ਾਰ ਹੋ ਕੇ ਅਕਾਲ ਪੁਰਖ ਦੇ ਚਰਨਾਂ ਵਿੱਚ ਅਭੇਦ ਹੁੰਦੀ ਹੈ।